«МЕМЛЕКЕТТІК РӘМІЗДЕР – ҰЛТТЫҚ МАҚТАНЫШЫМЫЗ» АТТЫ КОНФЕРЕНЦИЯ

Талас ауданы әкімдігі ішкі саясат бөлімінің әлеуметтік тапсырысы шеңберінде «Талас ғұмыры» жастар қоғамдық бірлестігінің ұйымдастыруымен «Қазақстан Республикасының мемлекеттік рәміздеріне құрмет көрсету мақсатында іс-шаралар ұйымдастыру» тақырыбы бойынша

«Мемлекеттік рәміздер – ұлттық мақтанышымыз» атты конференцияның

АҚПАРАТЫ

 

2019 жылдың 1 қазан күні Қаратау құрылыс технология колледжінде Талас ауданы әкімдігі ішкі саясат бөлімінің әлеуметтік тапсырысы шеңберінде «Талас ғұмыры» жастар қоғамдық бірлестігінің ұйымдастыруымен «Қазақстан Республикасының мемлекеттік рәміздеріне құрмет көрсету мақсатында іс-шаралар ұйымдастыру» тақырыбы бойынша «Мемлекеттік рәміздер – ұлттық мақтанышымыз» атты конференция өткізілді. Аталған іс-шарада «Талас ғұмыры» жастар қоғамдық бірлестігінің мүшесі Көлбаева Жазира Әбдірәсілқызы колледж ұжымына және жастарына Мемлекеттік рәміздерді қолдану тәртібі және құрметтеуге шақырып, Қазақстан Республикасының мемлекеттік рәміздерінің шығу тарихы жайлы, олардың авторлары туралы айтып өтті. Тараз Мемлекеттік Педагогикалық университетінің жастар ісі жөніндегі комитеттің төрағасы Қадыралиев Айбек Амансейітұлы жастарды мемлекеттік рәміздерді құрметтеу және қастерлеу патриоттықтан басталатындығы, оларды қадірлеу еліміздегі азаматтардың мемлекет тәуелсіздігін құрметтеуді нығайтып, жасөспірімдердің отансүйгіштік сезімін қалыптастыратындығы туралы айтып өтті. Сөзін мемлекеттік рәміздерге арналған өзінің өлең жолдарымен аяқтады. Тараз Мемлекеттік Педагогикалық университетінің білімгері, белсенді жас Алпысбай Ақнұр жастарды белсенді жастардың қатарында болуға шақырды. Іс-шара соңы Қазақстан Республикасының мемлекеттік гимнін орындаумен аяқталды.

Egov